Токмокто каналга түшүп кеткен 7 жашар баланын сөөгү Чу дарыясынан табылды. Бул тууралуу ӨКМден билдиришти.
Маалыматка ылайык, милицияга Дача-1 айылында 7 жашар бала 12-май күнү саат 18:00 чамасында көчөдө ойноп жүргөн жеринен дайынсыз болгондугу кабарланган.
Каналга түшүп кетиши мүмкүн деген божомол менен издөө иштерине куткаруучулар жана жергиликтүү тургундардан 30 адам тартылган. Ал күнү издөө иштеринен натыйжа чыккан эмес.
14-май күнү издөө иштерин уулантууга Токмок шаардык жана Чүй районунан 15 куткаруучу, 47 милиция кызматкери жана 50 жаран чыккан.
Изделип жаткан баланын сөөгү саат 8:30дарда Чу суусунда Дунларов көпүрөсүнө жакын аймактан куткаруучулар тарабынан табылып милиция кызматкерлерине өткөрүлүп берилди.
