Чүй облусунун Токмок шаарындагы маданият үйүндө Кыргыз Республикасынын баатыры Апас Жумагуловдун 90 жылдыгына арналган юбилейлик иш-чара болуп өттү.
Иш-чарага КРдин мамлекеттик катчысы Сүйүнбек Касмамбетов, президенттин Чүй облусундагы ыйгарым укуктуу өкүлү Канат
Жумагазиев, Апас Жумагулов, Экс-премьер-министрлер Амангелди Муралиев, Темир Сариев, Жоомарт Оторбаев, Турсунбек Чынгышов, бир катар саясий жана коомдук ишмерлер катышты.
Алгач Апас Жумагуловдун ишмердүүлүгү тууралуу кыска метраждуу тасма көрсөтүлдү. Анда Апас Жумагуловдун баскан эмгек жолу баяндалып, учурунда бирге иштешкен замандаштары Турдакун Усубалиев, Чынгыз Айтматов, Николай Рыжков сыяктуу залкарлардын Апас Жумагулов туурасында берген маектери көрсөтүлдү. Ошондой эле, Апас Жумагуловдун ысымы Токмок шаарындагы жаштар аллеясына ыйгарылды. Муну менен катар ал Чүй облусунун ардактуу атуулу төш белгиси менен сыйланды. Иш-чаранын алкагында КРдин эмгек сиңирген артисттери катышып, өз өнөрлөрүн тартуулашты.
Апас Жумагулов 1934-жылы 19-сентябрда Чүй облусунун Аламүдүн районундагы Арашан айылында туулган, учурда Чүй
облусунун согуш жана эмгек ардагерлеринин төрагасы.
Булак: Турмуш
