Күзүндө Токмокто «Muras» бренди менен автоунаа чогулткан завод салына баштайт. Бул тууралуу шаар мэриясынан билдирди.
Россиянын АвтоВАЗ компаниясы заводдун технологиялык өнөктөшү экени, өндүрүш 2026-жылдын жаз айларында ишке кирери айтылган.
Ишканада жылына 1 500гө чейин автоунаа чогултулса, 2035-жылга чейин аны 7 миңге жеткирүү пландалууда. Бул долбоордун арты менен өлкөнүн ИДПсы бир пайызга өсүп, 12 миңге жакын жумуш орду түзүлөрү айтылды.
«АвтоВАЗ компаниясынын Granta, Vesta, Largus, Niva, Iskra сыяктуу үлгүлөрү да чогултулат. Инвестордун айтымында, машинанын баштапкы баасы Россиянын колдоосу менен алгачкы үч жылда 15 пайыз төмөндөтүлүп коюлат.
