Жалал-Абадда сойкулук менен алектенген дагы 2 кыз аныкталды. Бул тууралуу Жалал-Абад ОИИБден билдиришти.
14-январь күнү Жалал-Абад ШИИБдин кылмыш иликтөө бөлүмүнүн жана УКМК кызматкерлери тарабынан “Токолка” аталышындагы сайт аркылуу өзүнүн денесин сатып жүргөн кыздар тууралуу ыкчам маалыматтар алынган.
Нарын облусунун Кочкор районунун тургуну 1991-жылы туулган М.С. жана Жумгал районунун тургуну 1997-жылы туулган Б.А. Жалал-Абад шаарындагы мейманканалардын биринде денесин сатып иштеп жүргөндүгү аныкталган.
Бул маалымат электрондук каттоо журналына катталып, ыкчам-иликтөө иштери башталган.
