Бүгүн, Токтогул суу сактагычындагы суунун көлөмү 11 млрд 588 млн куб метрди түздү. Бул тууралуу “Электр станциялары” ишканасынын басма сөз кызматынан билдиришти.
Маалыматка ылайык, суунун агып келиши секундасына 996 куб метрди түзсө, агып чыккан суунун көлөмү 357 куб метрге жеткен.
2021-жылдын апрель айында Токтогулда суу кескин азайып, ГЭСтеги суу 8,5 млрд куб метрге чейин жеткен.
Суу сактагычтын жогорку чеги 19,5 млрд куб метр. Белгилей кетсек,мындай көрсөткүчтөгү суу көлөмү 2017-жылы катталган. Ал эми эң төмөнкү чеги 2008-2009- жылдары, кийин 2014-жылы 6,4млрд куб метрге чейин жеткен.
