Бүгүнкү күндө «Торугарт-автожол» өткөрүү пунктунда абанын температурасы күндүз -25ке чейин жетип, түнкүсүн -40 градуска чейин төмөндөөдө. Тынымсыз муздак шамал болууда.
Аталган өткөрүү пункту мамлекеттик чек аранын кыргыз-кытай тилкесинде жайгашкан, деңиз деңгээлинен 3800 метр бийиктикте турат.
Климаттык шарттын катаалдыгына карабай «Нарын» бажысынын кызматкерлери күнү-түнү нөөмөттө турушат. 48 кызматкер 24/7 режимде эки сменде иштешет.
«Торугарт-автожол» көзөмөл-өткөрүү пунктунан күн сайын эки тарапка 500гө чейин унаалар өтөт. Бажы кызматынын кызматкерлери келген жана чыккан жүктөрдү үзгүлтүксүз штаттык режимде өз убагында башкарууну жүргүзүп жатышат.
