UFC мушкери ирландиялык Конор Макгрегор Дублинде камакка алынды. Ага «жол эрежесин бузду» деген айып тагылганы тууралуу чет элдик басылмалар жазды.
Спортчуга айыбы угузулуп, үй камагына чыгарылды. Анын ордуна 170 миң евро турган Bentley унаасы барымтага алынды. Бул иш боюнча сот кийинки айда болору кабарланды.
Ирландияда жол эрежесин бузган айдоочулар 5 миң еврого чейин айып төлөйт же алты айга эркиндигинен ажырайт.
Эске салсак, 2017-жылы мушкер унааны катуу ылдамдыкта айдаганы үчүн 400 евро айыпка жыгылган.
