Бишкектеги укалоо салондорунун биринин ээсинен ар дайым опузалап акча каражатын алып келген Ленин РИИБдин ыйгарым укуктуу аймактык тескөөчүсү кармалды. Бул тууралуу ИИМден билдиришти.
«Эки жыл бою укалоо салонунун үстүнөн калкалоосу үчүн айына 4 миң сомдон алып жүргөн. Андан сырткары, 2021-жылдын ноябрь айында милиция кызматкери коркутуу жолу менен аталган салондун ээсинен 3000 АКШ доллары өлчөмүндө акча каражатын алган. Бул акчалар ай сайын электрондук капчык аркылуу которулуп турган. Ал терминалдардын биринде 5 миң сом акчаны алуу учурунда кармалды»- деп билдиришти.
Бул факты боюнча кылмыш иши козголуп, учурда ички иштер органдарынын айрым кызматкерлеринин жасаган коррупциялык жана башка мүнөздөгү кылмыштарын аныктоо жана бөгөт коюу боюнча иштер уланууда.
