УКМК башында казакстандыктар турган, Бишкекте иштеп жаткан колл-борбордун 43 кызматкерин кармады.
Алар биологиялык кошулмалар менен тиричилик техникасын сатып, ишенимге кирген кардарларга лоторея билетин сатып алууну сунушташкан. Лотореядан утуп алуу үчүн башка эсептерге кардар акча которушу керек болгон.
Атайын кызмат колл-борбордун лоторея ойнотууга лицензиясы жоктугун жана каттоодон өтпөгөндүгүн билдирди. Ошондой эле колдонулган серверлер менен маалымат базалар
Казакстанда жайгашканы аныкталган.
Колл-борбор киреше табуу үчүн манипуляция ыкмаларын колдонгону, алдангандардын көбү улгайган адамдар экени айтылды.
Жыйынтыгында 43 кызматкер кармалып (арасында 4 өспүрүм бар), 78 ноутбук, 43 телефон алынган. Тергөө уланууда.
