Ишине ЛГБТларды тартып, жаштарды бузукулукка багыттаган түнкү клубдар аныкталганын УКМК кабарлады.
5-июлда бир катар эс алуучу жайларды атайын кызмат текшерген. «Катс» жана «Комбинат Плюр» түнкү клубдары ишмердүүлүгүнө ЛГБТ коомчулугун тартып, баңгизаттарды колдонуу аркылуу жаштарды бузукулукка багыттагандыгы аныкталган.
Текшерүүнүн жүрүшүндө психотроптук дары-дармектер табылды. Мындан улам аталган түнкү клубдар толугу менен жабылып, мөөр басылды. Ал эми «Нокс» клубунун дааратканасынан ак порошок салынган пакеттер табылды.
Улуттук коопсуздук комитети сойкулук үчүн шарттарды түзүү «сойкуканаларды» уюштурууга барабар экенин белгилеп, бул үчүн кылмыш жоопкерчилиги бар экенин эскертти.
