УКМК Камчы Көлбаевден алынган эки автоунаа мамлекеттик органдарга берилди деген маалыматты четке какты. Аталган кызмат өзүнүн балансында жетиштүү сандагы унаалар бар экенин белгиледи.
«УКМК жарандарды провокациялык маалыматтарга ишенбөөгө чакырат», — деп айтылат билдирүүдө.
Эске салсак, буга чейин Мамлекеттик мүлктү башкаруу агенттиги Көлбаевге таандык эки автоунаа УКМК менен президенттин иш башкармалыгына өткөрүп берилгенин кабарлаган. Ал эми 25,5 миллион сомго бааланган 2017-жылкы Mercedes-Benz S600 президенттин иш башкармалыгына өткөрүп берилгени белгиленген. Калган төрт автоунаа экинчи ирет аукционго коюлган.
