Бажыдагы коррупция фактысы боюнча сотко чейинки өндүрүштүн алкагында мамлекетке келтирилген зыяндын ордун толтуруу үчүн берилген батирлер мамлекетке өткөрүлүп берилмей болду. Бул тууралуу УКМКнын басма сөз кызматы билдирди.
Маалыматка ылайык, Матраимов мамлекетке келтирилген зыяндын ордун толтуруу үчүн 2 миллиард сомдун 1 миллиард 400 миллион сомун төлөп, калган каражаттын ордуна 9 батирин жана «Эльдорадо» соода борборун өткөрүп берген.
«Берилген мүлк белгиленген тартипте мамлекеттин менчигине кабыл алынат», — деп жазылган маалыматта.
Эске салсак, мамлекетке келтирген чыгымдын ордун толтуруу иретинде Райымбек Матраимов 9 батирин өткөрүп берген. Бул тууралуу УКМКнын башчысы Камчыбек Ташиев билдирген.
Буга чейин УКМКнын төрагасы Камчыбек Ташиев, «Биз батирлерди УКМКнын кызматкерлерине өткөрүп беребиз, бирок алардын бири өтө чоң болгондуктан биз аны балдар үйүнө же социалдык объект катары өткөрүп беребиз», — деп билдирген.
