Камчы Асанбектин (Көлбаев) уюшкан кылмыштуу тобун каржылоого шектелген «Айчүрөк» соода борборунун ээси Анвар Маметовдун кылмыш ишин тергөө токтотулду. Бул тууралуу УКМК билдирди.
Кылмыштуу кирешелерди легализациялоо (адалдоо) фактысы боюнча катталган сотко чейинки өндүрүш ишинин алкагында Кыргызстандын ири ишкерлеринин бири Маметов (Габбазов) Анвар Илшатович К.Асанбектин уюшкан кылмыштуу тобун каржылаган айрым фактылар аныкталган.
16-июлда Маметов Кыргызстандын аймагына келип, анын катышуусу менен тергөө иш-чаралары жүргүзүлгөн. Жыйынтыгында ага карата мурда коюлган айыптар уюшкан кылмыштуу топтун ишмердүүлүгүнө жана каржылоосуна катышы жоктугу аныкталып, сотко чейинки өндүрүш токтотулган.
