Бүгүн, 25-январда Ош шаардык соту блогер Улукбек Карыбек уулунун ишинде кылмыштын белгилери жок деген негиз менен ишти кыскартты. Ага прокурордун айыптоону кароодон баш тартканы себеп болгон. Блогерге «Бейбаштык» беренеси менен иш козголгон эле.
“Кудайга шүгүр! Биз акталдык. Уттук! Сот өкүмү чыкты. Мамлекеттик айыптоочу, прокуратура айыптоодон баш тартты. Ош облустук төрөт үйүндөгү 36 000 сомдук эшиктин аңгемеси эми бүттү. Эшиктен кутулдук. Ош шаардык сотунан адилеттүү чечим чыкты. Чындык ийилиши мүмкүн. Бирок, эч качан сынбайт”,-деди Карыбек уулу.
