Төрт-Гүл суу сактагычы стратегиялык объекттердин катарына киргизилет. Бул тууралуу премьер-министр Улукбек Марипов билдирди.
Ал Төрт-Гүл суу сактагычы жана ага куйган канал (Головной) толугу менен Кыргызстанга тиешелүү экенин белгиледи.
«Ак-Сай айылынын тургундары жакшы билишет. Мен Кайырма каналы жөнүндө айттым. Ал Ак-Суу дарыясында жайгашып, «Головной» каналынан 500-600 метр өйдө турат. Ошол Тажикстанга карайт», — дейт ал.
Белгилей кетсек, бүгүн Бишкек шаарында «Чек ара» коомдук бирикмеси Төрт-Гүл суу сактагычы боюнча премьер-министрдин билдирүүсүнө каршы митинг белгилеген. Улукбек Марипов 4-февралда парламентте «Төрт-Күлгө куйган каналдын баш жагын Тажикстанга алдырыппыз», — деп айткан.
