Улуу Британиянын ден соолукту коргоо агенттиги Англияда мpox вирусунун жаңы штаммы табылганын билдирди, деп кабарлайт Kazinform агенттиги жазды.
Инфекция жакында Азиядан келген адамдан табылган. Геномдук анализ жаңы штамм эки подтиптин элементтерин камтыган рекомбинанттык форма экенин көрсөттү.
Дарыгер Кэти Синка белгилегендей, оору көбүнчө жеңил өтөт, бирок оор кесепеттерди жаратышы мүмкүн. Вакцинация жана жеке гигиенаны сактоо — оорунун жайылышына каршы негизги чаралар. Оорунун белгилери: териде бүдүрчөлөр, тактар же жаралар, ысытма, баш оору, булчуң жана арка оорулары менен коштолот.
