Бишкекте бүгүн, 27-апрелде саат 15:00дө С.Чуйков үй-музейинде Улуу Ата Мекендик согуштагы Жеңиштин 77 жылдыгына арналган «Эсибизде» көргөзмөсү ачылат. Бул тууралуу мэриянын басма сөз кызматы билдирди.
Маалыматка ылайык, көргөзмө 27-майга чейин уланат. Көргөзмөдө Я.П. Храпковский, В. Тюрин, В.П. Жуков, Кыргыз Республикасынын эл артисти О.М. Мануилова, Т.С. Усубалиев, В.А.Шестопала жана В.М. Кузнецова аттуу Улуу Ата Мекендик согуштун катышуучуларынын, сүрөтчүлөрдүн эмгектери коюлган.
«Урматтуу шаардыктар! Сиздерди көргөзмөдө күтөбүз. Келиңиздер, өз өмүрлөрүн аябай, дүйнөбүздү коргогон согуштун катышуучуларына терең урматтоо жана ыраазычылык сезимин чогуу сезели. Музей Чуйков көчөсү, №87 а, маалымат үчүн телефон: 30-33-64»,-деп берилет билдирүүдө.
