Бүгүн, 25-марттагы Жогорку Кеңештин жыйынында депутат Умбеталы Кыдыралиев Кербен шаарынын жергиликтүү кеңешинин депутаттарынын кайрылуусун ортого салды.
«Аталган шаарга таза суу киргизүү боюнча 280 миллион сомдук грант бөлүнүп, 210 миллион сомдук тендер өткөрүлгөн. Утуп алган компания 45 км суу түтүктөрүн орнотушу керек болчу. Бирок, иш начар аткарылып, сапаты каралбай калган. Андыктан, аталган маселени Өкмөт жана прокуратура көзөмөлгө алышы зарыл», — дейт ал.