Бишкекте айдоочу унаасында уктап жаткан маалда 47 миң сом салынган барсеткасын уурдатты. Бул боюнча Биринчи май райондук милициясы маалымдады.
Милициянын маалыматына караганда, ал Манас проспектисиндеги үйдүн жанында унаасын токтотуп, айнегин ачып уктап калган. Ойгонгондо 47 миң сом акчасы, унаанын ачкычы жана документтер салынган барсеткасын таппай калган.
Аталган факты боюнча кылмыш иши козголуп, шектүү катары 26 жаштагы Б.К. аттуу жаран кармалган. Ал убактылуу кармоочу жайына камакка алынды.