Бишкекте жеке турак жайды тоноого шектелип 17 жана 19 жаштагы балдар кармалды. Бул тууралуу Октябрь райондук милициясы билдирди.
Маалыматка ылайык, 22-сентябрь күнү тартип сакчыларга аял кайрылып, саат 10:30да белгисиз адамдар анын үйүнө терезесин талкалап кирип, 850 доллар, 15 миң сом жана зер буюмдарын алып кеткенин билдирген. Кылмышкерлер аялды 137 миң сом чыгым тарттырган.
Милицияга уурулук болгон учурдун видеосу берилген. Кадрга эки киши үйдөн пакет көтөрүп чыгып, такси деген логотиби бар автоунаага отуруп кетип калганын көрүүгө болот.
Алар Бишкек шаардык милициясынын убактылуу кармоочу жайына киргизилди.
Учурда тергөө иштери жүрүп, шектүүлөрдүн башка кылмыштарга тиешеси бар-жогу такталып жатат.
