Орусиялык профессор, тарых илимдеринин доктору Виктор Козодой: «Мен – кыргыздардын мамлекеттүүлүгү үзүлбөстөн 19 кылымга уланганын көрсөтөм. Сибирь кыргыздарынын мамлекеттүүлүгү ар башка түрдө болуп, өзгөрүп турган – кээде күнкорсуз, кээде федерация же конфедереция, кээде автономия түрүндө же башка дөөлөттүн провинциясы катары болгон, бирок мамлекеттүүлүк үзүлгөн эмес».
Нарын Айып: Автономия башка малекеттин курамында болсо дагы, ал деле мамлекет эмеспи…
Виктор Козодой: «Албетте. Кытайлар гяньгун деп атаган кыргыздардын ээлигин хунндар басып алганда, алардын жери – Хунну дөөлөтүнүн Минусин провинциясы деп аталган. Алардын өз аймагы, өз эли, өз башчысы, анан өз аскери дагы болгон. Бул мамлекеттүүлүктүн өтө орчундуу белгилеринин бири – өз аскерине ээ болуу. Ушундай фактыларды аз-аздан чогултуп жатам жана жыйынтыгында өтө кызыктуу, окуяларга бай тарых чыгып атат. Мен өз китебимде – Сибирде жөн эле бир кыргыз деген эл жашап, кайсы бир аймакты ээлеген жана алардын мамлекети болгон дебестен, кыргыздардын жергиликтүү цивилизациясы болгонун далилдейм…»
