Дүйнөлүк допингке каршы агенттик (WADA) марихуананы тыюу салынган препараттардын тизмесинен чыгаруу мүмкүнчүлүгүн карап жатат. Бул тууралуу Lenta.ru. басылмасы жазып чыкты.
Маалыматка ылайык, кийинки жылы марихуана препаратынын таасири боюнча илимий текшерүү жүргүзүлөт. Кандай болгон күндө да 2022-жылдын аягына чейин эркин колдонууга тыюу салынган бойдон калат.
Марихуананын таасирин кайра текшерип көрүү демилгеси Америкалык жөө күлүк ШаКарри Ричардсондун окуясынан кийин пайда болгон. Аталган спортчу Токио Олимпиадасына катышуу алдында марихуана колдоноору ачыкталып, мелдешке катышпай калган.
Акыркы мезгилде эксперттер бул өсүмдүктүн зыянынан пайдасы көп экендигин айтып, тыюу салынган препараттардын катарынан чыгарууну сурап келишет. Эксперттер мене бирге спортчулар да ага тыюу салуу эскирген талап экендигин билдирип келет.
Алсак биздин өлкөдө да нарколог, даарыгер Жеңишбек Назаралиев баштаган адистер, эксперттер техникалык марихуана чөбүн өстүрүп, өндүрүшкө колдонуу жакшы натыйжа берээрин айтышкан. Бул маселе ЖКнын депутаттары тарабынан сессияда да көтөрүлгөн. Бирок, бул сунушка ИИМ бир катар эл аралык келишимдерге ылайык, макул боло албасын билдирген.
Эгер, WADA агенттига марихуананы тыюу салынган препараттар тизмесинен чыгарса, Кыргызстан техникалык марихуаныны өндүрүшкө колдонууга жол ачылмак.
Алсак, «каннабис» аталган бул өсүмдүктөн акча кагазын, даары дармек жана сапаттуу материалдар жасалаары белгилүү.
