Ысык-Атада бир нече уурулукка шектүү жаран кармалды. Бул тууралуу Ысык-Ата РИИБнүн басма сөз кызматы билдирди.
Маалыматка ылайык, 24-ноябрь күнү Ново-Покровка айылынын тургуну 1988-жылы туулган Х.Т. арыз менен кайрылып, белгисиз жаран тарабынан анын үйүнө эшигин талкалап кирип жалпысынан 235 000 сом турган алтын буюмдарын уурдап кеткендигин билдирген.
Бул факты кылмыштардын жана жоруктардын бирдиктүү реестрине Жазык кодексинин 200-беренеси (Уурдоо) менен катталган.
Жүргүзүлгөн ыкчам издөө иш-чараларынын натыйжасында жогорудагы фактыга шектелип мурда соттолгон 1999-жылы туулган Ш.Т., аттуу жаран кармалган. Ал жаран күнөөсүн толугу менен мойнуна алып уурдалган алтын буюмдарын өз калоосу менен кайтарып берген.
Шектүү адам Ысык-Ата районунда дагы 10 факты уурулукка катышы бар экендиги аныкталды.
Учурда шектүү кармочуу жайга киргизилип, сотко чейинки өндүрүш иштери улантылууда.