Бүгүн, 1-июлда «Ысык-Көл» эл аралык аэропорту 8 жылдан бери алгачкы ирет Жалал-Абаддан каттамды тосуп алды. Бул тууралуу «Манас» эл аралык аэропортунун басма сөз кызматы билдирди.
Маалыматка караганда, «Тeз жет” авиакомпаниясы 91 жүргүнчү, анын ичинен 13 жаш баланы Жалал-Абад — Тамчы каттамында RG 85 учагы менен жеткирди. Кайра кайтууда Тамчы — Жалал-Абад каттамы менен 11 адам учту»
Белгилей кетсек, авиакомпания каттамды жумасына 2 жолу — дүйшөмбү жана бейшемби күндөрү жүргүзүүнү пландоодо.