Ысык-Көлдө мыйзамсыз карагай кыйгандардын иши иликтөөгө алынды. Бул тууралуу рейд өткөрүп жаткан топ кабарлады.
Анын айтымында, чыгым учурда эсептелинип жатат.
«Биз «Токойду сактайлы» аталышында рейд өткөрүп жатабыз. Ысык-Көл облусунун токойлорунда кыюу фактылары аныкталды. Келтирилген чыгым эсептелинет, бул аябай эле ири суммадагы зыян келтирүү. Тиешелүү тараптар муну аягына чейин иликтеп, күнөөлүүлөрдү жоопко тартып, келтирилген зыяндын ордун толтурат деп ишенебиз. Биз мунун жыйынтыгы боюнча дагы маалымат берип турабыз. Рейд жергиликтүү активисттерди тартуу менен жүргүзүлүүдө. Кайдыгер карабаган ар бир кыргызстандыкты кошулууга чакырабыз», — дейт ал.
