Ысык-Көлдө уруктарды чачуу мезгилинде мыйзамсыз балык уулоо менен алектенген кезектеги браконьерлер кармалды. Бул тууралуу Ысык-Көл ОИИБден билдиришти.
Мыйзамсыз балык уулоону Пристань-Пржевальск шаарчасынын 48 жана 35 жаштагы тургундары жүргүзүп, торлорун өздөрү жашаган калктуу конуштун көл жээгине коюшкан. Алардан далил зат катары 3 даана синтетикалык балык тору, 9 даана кармалган «Леш» балыгы жана моторлуу кайык алынган.
Ошондой эле, Ысык-Көлдүн Николаевский булуңунда мыйзамсыз балык уулап, үйүнө бара жаткан жеринен Түп районунун Тогуз-Булак айылынын 42 жаштагы тургуну кармалган. Андан 49 даана «Сиг-Лудога» балыгы алынган.
Эки факт тең аймактык милициянын маалыматтарды каттоо электрондук журналдарына катталып, чогултулган материалдар юридикалык баа берүү үчүн тергөө кызматтарына өткөрүлүп берилди.
