Бишкек шаардык патрулдук милиция кызматкерлери өз кызын уурдоого шектүү жаранды кармашты. Бул тууралуу Патрулдук милиция башкармалыгынан маалымдашты.
Белгиленгендей, 8-апрелде саат 21:20 чамасында Ж.К., мурунку күйөөсү Чыгыш-5 кичи районунан 2008-жылы туулган кызын уурдап кеткендигин билдирген.
Кулиев көчөсүндө жашы жете элек кызды Ош шаарына алып кетүү аракетин көргөн атасы 1984-жылы туулган У.Э. маршруттук таксилердин биринен кармалган. Андан аркы иликтөө үчүн ал Бишкек шаарынын Свердлов районунун ички иштер башкармалыгына жеткирилген. Ал эми Патрулдук милиция кызматкерлери кызды энесине өткөрүп беришкен.
