Бүгүн, 9-июлда Өзбекстанда президенттик шайлоо өтүп жатат. Бул тууралуу Sputnik Өзбекстан агенттиги кабарлады.
Маалыматка ылайык, өлкөдө 10 784 шайлоо участкасы ачылды. Жалпы 19,5 миллион шайлоочу катталган.
Президенттикке Элдик-демократиялык партиядан Улугбек Иноятов, “Адолат” социал-демократиялык партиясынан Робахон Махмудова, Экологиялык партиядан Абдушукур Хамзаев жана Либерал-демократиялык партиядан Шавкат Мирзиёев ат салышууда.
Эскерте кетсек, 8-майда азыркы президент Шавкат Мирзиёев мөөнөтүнөн мурда шайлоо дайындоо тууралуу конституциялык мыйзамга кол койгон.
