УКМК ири көлөмдөгү макротомиянын тамырын мыйзамсыз чогултуу жана сатуу аракетине бөгөт койду.
Чет өлкөлүк жарандардын жана башка адамдардын контрабандалык иштери аныкталды. Тактап айтканда, сатуу аракетинде УКМК тарабынан 1326,3 килограммга жакын өсүмдүк сырьесу – жалпы баасы 3 миллион сомго жакын макротомия алынган.
Учурда УКМК тарабынан аталган кылмыш ишинин башка катышуучуларын аныктоо боюнча ыкчам издөө-иликтөө иш-чаралары улантылууда.
Маалымат үчүн: Өсүмдүктөр дүйнөсүнүн объекттерин сактоо жана көбөйтүү максатында Кыргыз Республикасынын Министрлер Кабинетинин 2024-жылдын 28-майындагы № 270 токтому менен өсүмдүктөр дүйнөсүнүн айрым түрлөрүн пайдаланууга, тагыраагы: макротомия, арнебия, ясенец, аконит жана афлатун пиязын жапайы дарылык, техникалык, тамак-аш өсүмдүк чийки затын сатып алуу жана чогултуу үчүн үч жылдык мөөнөткө убактылуу тыюу (мораторий) киргизилген.
