Өзгөн районунун Ата-Башат айылындагы жолдун сапатына байланыштуу жергиликтүү тургун тарабынан видео кайрылуу түшкөн. Аталган кайрылуунун негизинде Курулуш министрлиги тарабынан жеринде текшерүү жүргүзүлдү.
Жолго төшөлгөн асфальттын сапатына байланыштуу текшерүү жүргүзүлүп, подрядчы «Толман» ЖЧКсына 200 миң сом айып пул салынды.
Текшерүү учурунда асфальттан лабораториялык изилдөө үчүн үлгүлөр алынып, компанияга аныкталган кемчиликтерди жоюу үчүн 10 күндүк мөөнөт берилди. Жолдун жалпы узундугу 3,2 чакырым болсо, учурда 700 метрине асфальт төшөлгөн.
