Жамбыл облусунда жүргүнчү ташыган автобус оодарылып, эки адам каза болуп, 48 адам жаракат алды. Бул тууралуу Sputnik Казакстан жазып чыкты.
Маалыматка караганда, төрт адам жандандыруу бөлүмүндө жатат.
Жамбыл облусунун Саламаттыкты сактоо департаментинин маалыматына караганда, 12-майда саат 15:48дер чамасында тез жардамга Жуалы районунун Нурлыкент айылына жакын жерде жол кырсыгы катталгандыгы тууралуу маалымат түшкөн.
“Жуалы райондук борбордук оорукананын кабыл алуу бөлүмүнө 48 адам медициналык жардам сурап кайрылган. Алардын ичинен 17си ооруканага жаткырылса, төртөө 4 адам жандандыруу бөлүмүндө, 13 адам хирургия бөлүмүндө. Бир адам санитардык авиация менен шаардык ооруканага жеткирилди. Тилекке каршы, эки адам окуя болгон жерден каза болду», — деп билдирди саламаттыкты сактоо башкармалыгы.
Учурда кырсыктын так себеби такталууда.
