Өлкөдө жаңы эреже киргенден кийин мас айдоочулардын саны үч эсеге азайды. Бул тууралуу Жол кыймылынын коопсуздугун камсыздоо башкы башкармалыгынан кабарлашты.
Маалыматка ылайык, Бишкекте 8-мартта алкоголь ичип унаа башкарган 7 жаран кармалса, 2022-жылы ушул эле күнү 20 учур, 2021-жылы 18 учур катталган.
Белгилей кетсек, 8-марттан тарта айдоочуларга карата жаңы эрежелер кирген. Анда, алкоголдук ичимдик ичип унаа башкаргандар айдоочулук күбөлүгүнөн ажыратылат.