Бүгүн тоолуу райондордо кар жаап, айрым жерлерде туман түшөт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө -4…-9, Талас өрөөнүндө -5…-10, Ош, Жалал-Абад жана Баткен облустарында -4…+1, Ысык-Көлдө -2…-7, ал эми Нарында -3…-8 градус болот.
Ошто мезгил-мезгили менен кар жаайт. Ал эми, Бишкекте -4…-6, Ош калаасында 0…-2 градуска төмөндөйт.
Эс алуу күнүңүздөр жакындарыңыздын курчоосунда жакшы маанайда өтсүн, окурманым.
Ар таңда сиздерге жакшы сөз арнап, күнүңүздөрдүн ийгиликтүү өтүшүнө тилектешпиз…
