Түп районуна караштуу Ак-Булуң айылындагы айдоо жерден тарыхый эстелик табылды. Бул тууралуу жергиликтүү тургундар Турмуш басылмасына билдирген.
Эстелик 15-октябрь күнү, кечке маал Ак-Булуң айылынын тургуну Эркин Турбаев жер айдатып жатканда табылган. Анын айтымында, айыл чарба техникасынын сокосу ташка тийип, сынып калган.
«Быйыл жерди даярдап, кийинки жылы картошка айдоону пландап жаткам. Анан эле айыл чарба техникасынын сокосу ташка тийип сынып калды. Айдоочу ташты албасак, шаймак кайра сына турганын айтты. Узундугу 2 метрден ашуун балбал таш чыкты. Мен жаңы иштетүү аракетин көрүп жатканда, айылга да чоң табылга болду. Муну мен жакшылыкка жоруп койдум»,- деген ал.
Ал эми Ак-Булуң айылдык кеңештин депутаты алдыда аталган табылганы музейге коюп, туристтерди кызыктырууга мүмкүн экенин билдирди.
Посмотреть эту публикацию в Instagram
