7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Март 2024
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Жакында бензин 8 сомго, дизель 12,5 сомго кымбатташы мүмкүн

518

Жакында Кыргызстанда бензин 7,5-8 сомго, ал эми дизель майы 12,5 сомго кымбатташы күтүлүүдө. Бул тууралуу Кыргызстандын нефтетрейдерлер ассоциациясынын президенти Канатбек Эшатов «Биринчи радионун» эфиринен билдирди.

Анын айтымында, энергетика, анын ичинде күйүүчү-майлоочу майларга баа өсүп жатат.

«Азыр кичи жана орто компаниялар баанын кескин кымбатташына байланыштуу өлкөгө күйүүчү-майлоочу майларды өз алдынча импорттой албай калышты. Ошондуктан ири компанияларга күч келүүдө. Азыр ири компаниялар өздөрүнүн тармагын КММ менен жетиштүү көлөмдө камсыздоо менен алек. Ошондуктан кичи компаниялар жабылууга аргасыз болуп, кээ бир май куюучу станциялар жабылып, кээ бирлери токтоп турат. Азыр өлкөдө КММнын жетишсиздиги сезилип жатат, айрыкча дизель майы. Казакстанда экинчи айдан бери дизель майын Орусиядан сатып алып, ай сайын бул көлөм 15 миң тоннаны түзөт. Ал эми Кыргызстанда дизель майын колдонуунун бир айлык көлөмү 40-45 миң тоннага барабар. Ошондуктан Россия рынокторунда суроо-талап көп болуп, ошонун айынан алар бааны дароо тоннасына 170 долларга кымбаттатып жиберишти”, — деди ал.

Ал учурда дизель майына болгон баа жумасына 20-30 долларга чейин өсүп жатканын белгиледи.

«Кыргызстанда дизель майынын чекене баасы өздүк наркынан 12 сомго артта калды. Анын негизги баасы 65 сом 50 тыйын болсо, май куюучу жайларда 53 сомдон сатылууда. Бул чексиз улана бербейт, жакында базарда баалардын кымбатташы күтүлөт: АИ-92 үлгүсүндөгү бензин азыр 56 сом 40 тыйын же 56 сом 90 тыйын болсо, анда 63 сом 70 тыйын — 64 сомго чейин кымбатташы ыктымал. Ошондуктан биз каалайбызбы, каалабайбызбы, бензиндин баасы 7,5-8 сомго, дизель майы 12,5 сомго кымбаттоо күтүлөт”, — деди ал.

Добавить комментарий

Ваш адрес email не будет опубликован. Обязательные поля помечены *

519