Руслан Алтымышев Жалал-Абад шаарынын биринчи вице-мэри болуп дайындалды. Бул тууралуу шаардык мэриянын басма сөз кызматы билдирди.
Анын айтымында, буга чейин бул кызматты Нуртилек Орозбаев ээлеп келген. Бирок ал шаардык кеңештин депутаттыгына ат салышып жаткандыктан, өз каалоосу менен кызматтан кеткен.
Ал эми Гүлбарчын Таштанбекова социалдык маселелер боюнча вице-мэр болуп дайындалды. Ал буга чейин бир нече банктарда юрист болуп эмгектенген.
Белгилей кетсек, Руслан Алтымышев 2017-жылдын декабрь айынан бери мэрдин социалдык маселелер боюнча орун басары болуп иштеген.