Жалал-Абадда эл аралык террористтик уюмдардын жактоочусу кармалганын УКМКдан билдиришти.
Кармалган жаран 1995-жылы туулган М.Д.М. 2015-жылы Кыргызстандан чыгып, Сирия Араб Республикасына эл аралык террористтик уюмдардын тарабында куралдуу кагылышууларга катышууга аракет кылганы аныкталган.
Бул факты боюнча Кылмыш-жаза кодексинин 256-беренесинин негизинде кылмыш иши козголгон.
Жарандын жашаган жеринен жана жеке унаасын тинтүү учурунда 1 даана белгисиз автоматтык курал (АК-74 түрүндө), 30 даана 5,45 мм калибрлүү патрондор, ошондой эле 34 даана диний адабияттар табылган.
Аталган жаран УКМКнын Жалал-Абад облусу боюнча тергөө абагына киргизилип, алынган буюмдарга тиешелүү экспертизалар дайындалды.
