Ири көлөмдө мыйзамсыз кофе азыктарын даярдап, сатып жүргөн жаран аныкталды. Бул тууралуу Жалал-Абад ОИИБден билдиришти.
Жалал-Абад шаарынын базарында, соода түйүндөрүндө мыйзамсыз колдо жасалган кофе азыктары сатылып жаткандыгы боюнча милицияга маалымат түшкөн. Бул факты Кылмыштардын бирдиктүү реестрине катталып, кылмыш иши козголгон.
Жүргүзүлгөн иликтөө иштеринин натыйжасында мыйзамсыз кофе азыктарын 2 жерде даярдап жүргөн Ноокен районунун 1990-жылкы С.Э. экендиги аныкталган. Кочкор-Ата шаарындагы үйүнө тинтүү жүргүзүлүп, жасалма кофе жана башка азык-түлүк продукцияларын чыгарууга керектүү кошулмалар табылып алынган.
Учурда тергөө амалдары жүргүзүлүүдө.
