Бүгүн, 8-декабрь–Кыргызстанда радио жана телевидение кызматкерлеринин кесиптик күнүнө карата, Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев бир катар журналисттерге Ардак грамоталарды тапшырып, майрам менен куттуктады.
Ыйгарым укуктуу өкүл Жалал-Абад областында болуп жаткан окуяларды, калктын жашоо турмушун ачык-айкын жалпыга маалымдап, өсүп-өнүгүүсүндө тармактын кызматкерлеринин салымы чоң экенин белгиледи.
Күн сайын жаңылануулар менен коштолуп турган бүгүнкү коомдо маалымат алмашуу булактары көбөйгөнү менен радио жана телевидение өз ордун жоготпой, угарман жана көрүүчүлөрү үчүн пайдалуу, такталган, кабарларды жеткирүүгө аракеттенип келе жатканын айтып, ден соолук жана чыгармачылык ийгилик каалады.