Жалал-Абадда ири өлчөмдөгү баңгизатты сактап жүргөн шектүү кармалды. Бул тууралуу УКМКнын басма сөз кызматы билдирди.
Маалыматка ылайык, ушул жылдын 28-сентябрында козголгон кылмыш иштин алкагында, Жалал-Абад облусунда жайгашкан үйлөрдүн биринде тинтүү иштери жүргүзүлүп, жыйынтыгында өзгөчө ири көлөмдө баңгизаттары табылган.
Бул кылмыш ишинин алкагында, экспертизанын жыйынтыгында жалпы салмагы 833 граммды түзгөн “кургатылган марихуана” алынган.
Баңгизаттар табылган үйдүн ээси М.А.Д. аттуу Кыргызстандын жараны кармалып, учурда УКМКнын убактылуу кармоочу жайына киргизилди.
Бул ишке тиешеси бар башка адамдарды аныктоо боюнча ыкчам-иликтөө иш-чаралары жүргүзүлүүдө.
