Бүгүн, Жалал-Абадда тышкы байланыштагы маселелер талкууланды.
Маалыматка ылайык, облус башчысы Абсаттар Сыргабаев Тышкы иштер министрлигинин Ош, Жалал-Абад жана Баткен облустарындагы ыйгарым укуктуу өкүлчүлүгүнүн башчысынын орун басары Сулайман Пиримкулов менен жолугушту.
Жолугушууда Жалал-Абад облусундагы тышкы байланыштардын жүрүшү, инвесторлор менен иштөө, алдыдагы пландар боюнча пикир алмашуу жүрдү. Ошондой эле облустагы келээрки жылы өтүүчү эл аралык иш-чаралар талкууланды.
Белгилей кетсек, Абсаттар Сыргабаев, облустун эл аралык байланыштарын бекемдөө, ар тараптуу кызматташтыкты күчөтүү аракеттери улантылаарын билдирди.
