Жалал-Абад шаарынын борбордук бөлүгүндөгү унаа токтотуучу жайлар жоюлду. Бул тууралуу Жалал-Абад шаардык мэриясынын басма сөз кызматы билдирди.
Маалыматка ылайык, Жалал-Абад шаарынын борбордук бөлүгүн иретке келтирүү, унаа тыгындарын жоюу максатында Н. Айтматова, Ж. Бакиев, жана Чехов көчөлөрүндөгү убактылуу иштеп келген унаа токтотуучу жайлары жоюлду. Аталган көчөлөргө учурда “Автоунаа токтотууга болбойт” деген жол белгилери орнотулуп, жеринде Жол кыймылынын коопсуздугун камсыздоо бөлүмүнүн кызматкерлери түшүндүрүү иштерин алып барышууда.
Эскерте кетсек, алдыда мындай иш-аркеттер улантылат.
