Базар-Коргон милициясы ден соолукка залал келтирген 3 жаранды кармады. Бул тууралуу Жалал-Абад ОИИБден билдиришти.
Милицияга Базар-Коргон районунун 39 жаштагы тургуну арыз менен кайрылган. Анда 23-мартка караган түндө өзүнө тааныш болгон 3 бала ич ара пикир келишпестиктен улам сөз талашып уруп коюшкандыгын, алардын бири колундагы темир менен тизесине чаап сындырып койгондугун билдирген.
Бул окуя боюнча кылмыш иши козголуп, жүргүзүлгөн иликтөөнүн натыйжасында шектүү катары Базар-Коргон шаарынын 3 тургуну кармалган.
Учурда тергөө иштери уланууда.
