Жалал-Абад шаарында салык төлөбөй келген жарнама такталарынан салык өндүрүлө баштады. Бул тууралуу аймактык мэриянын басма сөз кызматы билдирди.
Маалыматка ылайык,көмүскөдөгү экономиканы алып чыгуу максатында буга чейин салык төлөбөй келген 49 жарнама тактасы аныкталып, алар ай сайын милдеттүү патенттин негизинде бир тарабына 1 миң 300, эки тараптуу жарнама илинсе 2 миң 600 сомдон салык төлөй баштады.
Белгилей кетсек, шаар аймагында 150 жарнама тактасы бар. Учурда калган жарнама такталарынан да салык өндүрүү аркети жүрүп жатат.
