16-июлда Жалал-Абад облусундагы №5 аскер батальонунда кызмат өтөп жаткан 19 жаштагы жоокер асынып алган абалда табылган. Учурда бул окуя боюнча тергөө жүрүп жатат.
Акыйкатчы институтунун өкүлү аскер бөлүккө барып мониторинг жүргүздү. Алдын ала маалыматтарга ылайык, жоокер кызмат учурунда психологиялык кысымга кабылганын катка жазып калтырган.
Бул факт боюнча аскер прокуратурасы кылмыш ишин козгоп, соттук-медициналык экспертиза дайындалды. Акыйкатчы аскер кызматкерлеринин укугун коргоо жана психологиялык климатты жакшыртуу үчүн тиешелүү сунуштарды берди.
Белгилей кетсек, Базар-Коргон районунун Бешик-Жон айылында жайгашкан аскер бөлүктө 30 аскер кызматкери жана 90 жоокер кызмат өтөп жатат.
