Бүгүн, 3-декабрда Жамбыл Камчыев президенттик шайлоого катышуу үчүн берилген документтерин кайтарып алды. Бул тууралуу БШКнын басма сөз кызматты билдирди.
Белгилей кетсек, учурда президенттик шайлоого катыша турганын билдирген 41 адам калды.
Талапкерлер Садыр Жапаров, Бабыржан Тольбаев, Аймен Касенов, Равшан Жээнбеков, Арстанбек Абдылдаев (Арстан Алай) кол топтоо баракчасын тапшырышты. Ал эми 14 талапкер 1 млн сомдук шайлоо күрөөсүн төктү.
Президенттик шайлоону өткөрүү боюнча Календардык планга ылайык, талапкерлерди колдогон кол коюу барактарын тапшыруу 3-декабрда саат 23:59да аяктайт.
Ал эми мөөнөтунөн мурда белгиленген президенттик шайлоо 2021-жылдын 10-январында өтөт.
