«Кумтөр деп жүрүп эки жолу камалдым, Жетим-Тоону кантип сатып жибермек элем», — дейт Садыр Жапаров «7-каналдагы» түз эфир учурунда.
«Жетим-Тоо 100% Кыргызстандын карамагында турат. Мен өзүмдүн гана пикиримди айттым. Биз экономикалык кризистен чыгуунун жолдорун издедик. Төрт беш жолун карап чыктык. Бул ошонун гана бири. Биз аны дароо сатып жиберели деген жокпуз да. Эл карайт, баары элдин келишими менен болот. Андыктан эл азыр Жетим-Тоо тууралуу унутуп коё турса деле болот. Кыргызстандагы кен байлыктар 100% мамлекетке иштей тургандай кылышыбыз керек. Билесиздер, «Кумтөр» алтын кени боюнча мамалекетке иштетели деп жүрүп бир эмес, эки жолу камалып чыктым. Анан кантип мен Жетим-Тоону сатып жибермек элем. Мунун баарын кийин эл менен эсептешебиз», — дейт ал.
