Кечээ, 14-июнда, Президент Садыр Жапаров Сауд Арабия Падышасы Салман бин Абдель Азиз Аль Сауд менен телефон аркылуу сүйлөштү. Бул тууралуу Президенттин маалымат кызматы билдирди.
Анда кыргыз-сауд эки тараптуу кызматташуусу жана аны өнүктүрүү келечеги, анын ичинде соода-экономикалык жана инвестициялык байланыштар талкууланган. Сауд Арабиясы Кыргызстанга оор мезгилдерде ар дайым көмөктөшүп келгендигин баса белгилеп, ыраазычылык билдирди.
Жапаров эки тараптуу кызматташууну жаңы деңгээлге көтөрүү жана эки өлкө ортосундагы достук мамилелерди чыңдоо максатында Сауд Арабия Падышасын Кыргызстанга расмий сапар менен келип-кетүүгө чакырды.
Салман бин Абдель Азиз Аль Сауд эки тараптуу алакаларды улантууга даярдыгын билдирди.
