ИИМдин Жол кыймылынын коопсуздугун камсыздоо башкы башкармалыгынын кызматкерлери тарабынан жол кыймылынын эрежелерин одоно бузган үч даана BMW үлгүсүндөгү унаанын айдоочулары кармалды.
Алдын ала маалыматтарга ылайык, айдоочулар жарнама үчүн видео тасма тартуу максатында унааларды чоң ылдамдыкта башкарып, жүргүнчүлөрүнүн терезеден тулку бойдон чыгышына жол беришкен.
Бул аракеттер жол кыймылынын башка катышуучуларына түз коркунуч жаратып, коопсуздук эрежелеринин талаптарын бузган. Текшерүү учурунда айдоочулардын мурдагы төлөнбөй калган айып пулдары бар экени аныкталып, алар жеринде төлөтүлдү.
Бул факт боюнча үч унаанын экөөсүнө 16 миң сом өлчөмүндө айып салынып, транспорт каражаттары айып короо жайына киргизилди.
Посмотреть эту публикацию в Instagram
