Бүгүн Жалал-Абадда эл көп топтолуучу жайлар текшерүүгө алынат. Бул тууралуу Жалал-Абад ОИИБдин Басма сөз кызматы билдирди.
Маалыматка ылайык, эл көп топтолуучу жайлар, ири соода борборлору, базарлар, парктар, коомдук тамактануучу жайлар текшерилип, санитардык нормалардын сакталуусу көзөмөлгө алынат.
Ошондой эле түнкү убакыттарда жергиликтүү бийлик өкүлдөрү менен биргеликте кафе-ресторандарга, тойканаларга, түнкү оюн-зоок клубдарына коюлган чектөөлөр боюнча рейддер уюштурулат.
Эске салсак, эпидемиологиялык кырдаалга байланыштуу 1-июлдан тарта тойканалар белгисиз мөөнөткө ишмердүүлүгүн токтотоору, ал эми коомдук тамактануучу жайлар орундуктарын 50%га кыскартуу менен таңкы саат 8:00дөн, кечки саат 22:00гө чейин иштей тургандыгы белгиленген.
